Utang, Isang Patibong: Paano Ka Makakaahon???

UTANG.... Isang salitang may malaking implikasyon. Kung umutang ng isang beses, mas madaling gawin sa susunod.

Sa ilalim ng batas ng Pilipinas at iba pang mga bansa, ang pangungutang ay isang kasunduan. Sa Pilipinas, hindi nito kailangan ng kasulatan. At kahit saan tayo magpunta, isa lang ang obligasyon ng umutang: dapat siyang magbayad.

Maraming mga taong lubog sa utang. Malalaman mo kung isa ka sa kanila kung:

1. umuutang ka para mabayaran ang iba mong utang;
2. pinagpapaliban mo ang isang bayaran para makabayad ka sa overdue bill;
3. ipapa-extend o re-structure mo ang utang para magkaroon ka ng mas mahabang panahong magbayad;
4. interes lang ang kaya mong bayaran, at hindi nababawasan ang principal ng utang mo;
5. nagtatrabaho ka ng overtime o extra work para lang makatawid sa bawat buwan dahil hindi kasya ang sweldo mo;
6. nagbebenta ka ng mga bagay na mahalaga sa iyo, para lang makabayad, tulad ng alahas na minana mo sa nanay mo, o kaya ang bahay mo, home appliances na kailangan mo, at iba pa.

Ilan lamang ito sa mga symptoms ng sobra-sobrang utang. Maaaring may mga iba ka pang maidaragdag.

Marami tayong naririnig na tinig, tumatawag sa ating atensyon para gumastos tayo, at para umutang, tulad ng: “Halika, umutang ka rito sa amin, madali ang requirements, may libreng home appliances ka kung uutang ka ngayon; kung mag-refer ka ng iba at umutang siya, mayroon ka pang bonus.”

Sa ganitong sitwasyon, may mga kababayan tayong tumutugon, hanggang sa umutang sila ng umutang, at nahihirapan na silang makalabas sa patibong ng utang (debt trap).

May kasabihang “the borrower becomes the lender’s slave” (Proverbs 22:7). Ang umuutang ay nagiging alipin ng nagpapautang. May kasabihan ding: “Insanity is doing the same thing and expecting different results”. Kung magpapatuloy ka sa isang bagay, hindi ka makakaasa na magbabago ang takbo ng buhay mo.

Paano mababago ang takbo ng buhay mo kung gusto mong hindi malulon sa utang?

Una, wag kang umutang kung hindi talaga kailangan.

Narito ang ilang halimbawa: isang taong umuutang para ma i-blow-out ang kaibigan na biglang bumusita sa kanya; ang lalaking gustong magpasiklab at umuutang para magpakasal ng bongga, kahit ilang taon niya itong babayaran; ang magulang na gustong magbigay ng malaking birthday party para sa one-year-old na anak, kahit wala silang sapat na pera para magbigay ng malaking handaan; o ang taong umuutang para magsugal.

Ngunit kung mayroong tunay na pangangailangan na hindi napag-handaan, tulad ng biglang dumating na sakit, at malaki ang gastos sa ospital, isa ito sa sitwasyon na pwedeng umutang.

Pangalawa, wag gumastos dahil sa impulse-buying, at iwasan ang mga lugar kung saan ito pwedeng mangyari.

Pangatlo, wag gastusin ang pera sa bisyo.

May mga taong nahumaling sa mahjong o  tong-its, at kaya niyang maglaro ng ilang araw, kumakain at nag-tu-toothbrush na daw siya habang nagmamahjong.

Maraming buhay at pamilya ang nasisira dahil sa sugal.

Pang-huli, mas maiging mabuhay ng simple lang. Sabi nga sa awitin ni Ariel Rivera, “simpleng buhay ay kay ganda, mayroong ngiti, mayroong saya, walang hindi magagawa lalo na’t simple ka…”

Lubog ka ba sa patibong ng utang? May pag-asa ang lahat.  

 ==> CLICK HERE <==

Yours in success,